పేట్ బషీరాబాద్ పోలీస్ స్టేషన్ లో ఫిర్యాదు చేసిన బాధితుడు సుదర్శన్ రెడ్డి
ఎఫ్ఐఆర్ నమోదు చేసిన పేట్ బషీరాబాద్ పోలీసులు
తెలంగాణ ప్రభ (కుత్బుల్లాపూర్) కుత్బుల్లాపూర్ మండలం సర్వే నెంబర్ 25/1, పేట్ బషీరాబాద్ లో జరుగుతున్న ప్రభుత్వ భూముల కబ్జాల పై ఎన్నో ఏళ్లుగా కొనసాగుతున్న బిఆర్ఎస్ పార్టీ నాయకుల ల్యాండ్ మాఫియా పై కందాడి సుదర్శన్ రెడ్డి అనేక పిర్యాదులు చేసారు .ఇటీవల పేట్ బషీరాబాద్ సర్వే నెంబర్ 25/1 వుడ్స్ కాలనీ సమీపం లో ప్రభుత్వ భూముల కబ్జాలను ఫోటోలను తీసిన సుదర్శన్ రెడ్డి తాసిల్దార్ కు ఫిర్యాదు చేశారు. ఈ విషయం తెలుసుకున్న బిఆర్ఎస్ పార్టీ చెందిన ల్యాండ్ మాఫియా సుదర్శన్ రెడ్డి పై రెక్కీ నిర్వహించి శుక్రవారం మహిళలతో దాడి చేయించి దాడి దృశ్యాలను చిత్రీకరించి , సుదర్శన్ రెడ్డి మహిళల అసభ్య ఫోటోలు తీశారని అని సోషల్ మీడియా , వాట్సాప్ గ్రూప్ లలో వైరల్ చేసారు. బిఆర్ఎస్ పార్టీ కి చెందిన క్రిశాంక్, తెలుగు స్క్రైబ్ అనే పేరు తో ఉన్న ట్విట్టర్, పేస్ బుక్ అకౌంట్ ల ద్వారా ఈ తప్పుడు వార్తలు వైరల్ చేసారు. తనపై చేసిన తప్పుడు ప్రచారాలకు స్పందించిన సుదర్శన్ రెడ్డి, శనివారం పేట్ బషీరాబాద్ పోలీస్ స్టేషన్ లో పిర్యాదు చేశారు. ఫిర్యాదు అందుకున్న పోలీసులు పలు సెక్షన్ల కింద
ఐపిసి 341,323,504,506-2, 500,r/w 34 కేసు నమోదు చేసి, దర్యాప్తు చేపడుతున్నామని తెలిపారు.
